Rah ka West Jaintia Hills yei nam jop rah Mookhrah haka Meghalaya Games

Syllad | The Rising MeghalayaJanuary 18, 2024

Ka West Jaintia Hills District hadien wa da kut ka Yakop iong ki Traditional Games wa da pynman ha ki ar sngi iong ka 17 wa ka 18 tarik Duiatra kiwa kynthup ya ka Rah Mookhrah (Jaintia Traditional Game), Wapong Sika (Garo Traditional Games) wa ka Dat Mooniaw (Khasi Traditional Games) da pynbna wa man ko kawi na ki District wa ioh u rah yei nam jop ha ka Rah Mookhrah Team Event, katwa ya ka Team Event Runner-up wan da rah da ka East Khasi Hills.

Kyruin cha Ka yakop Rah Mookhrah / Pnar Traditional Games iong samen, ka West Jaintia Hills daioh ko u rah ya ka Gold Medal wa ka Silver Medal lyngba u Da-O hi Dhar uwa da ye u rah ya ki Mookhrah kiwa em I khia 67.35 Kg, 71.45 Kg, 82.01 Kg, 101 Kg wa 107.6 Kg hei jngai wa 100 Meters hapoh I por 2.01 minutes neitae bood ryngkhi wan u Me u Ru Suna uwa da ye u rah ya ki Mookhrah kiwa em I khia 67.35 Kg, 71.45 Kg, 82.01 Kg, 101 Kg wa 107.6 Kg hei jngai wa 100 hapoh I por 2.06 minutes.

Ya ka Bronze Medal iong kani ka yakop darah da u Vincent Bareh iong ka East Khasi Hills wei ki Mookhrah kiwa da rah u toh kiwa em I khia 67.35 Kg, 71.45 Kg, 82.01 Kg, 101 Kg wei da ye u wow pyndep yei rah iong o hapoh I por 2.10 minutes hei jngai wa 100 Meters.

Chooh chooh ha ka Wapong Sika, Garo Traditional Game, u Pangrak R. Marak, West Garo Hills daioh u ya ka Gold Medal bood ryngkhi wan u Lambai Challam, Silver Medal wa u Wanlambhamiki Passah, Bronze Medal kiwa man na West Jaintia Hills.

Ha ka Dat Moo-Niaw wan heiliang ki kynthai ka East Khasi Hills daioh ko ya ka Gold Medal, ka West Garo Hills daioh ko ya ka Silver Medal katwa ka West Jaintia Hills daioh ko ya ka Bronze Medal.

Heiliang wan ki chynrang ka East Khasi Hills da man ko ka Champion wei darah ko ya ka Gold Medal bood ryngkhi wan ka West Garo Hills wei da ioh ko ya ka Silver Medal katwa ka West Jaintia Hills da ioh ko ya ka Bronze Medal.