Rah nam lahduh ba lai ka Shymplong haka football ka Elaka Narpuh SA

Syllad | The Rising MeghalayaNovember 26, 2021

Ka kynhun ïalehkai jong ka Shymplong SC kala ioh rah iaka nam lahduh ba lai haka lympung ialehkai football ka Elaka Narpuh Sports Association (ENSA) kaba long ha Umkiang haka sngi Thohdieng.

Kane kala wan hadien ba ka Shymplong kala lah ban pynliem da ka tie breaker da 5-4 iaka Donaskur FC.

Haba phai sha ka jingiakhun katkum ka por kaba la buh ka jingiakhun hapdeng kine ki arliang mamla kala wai khlem don mano mano ba ioh pynkhih jar.

Ia ka khusnam la sam da u kongsan u ma S Buam Officer incharge Umkiang Police Patrol post, symbud kongsan u ma Lasting Pala Waheh Shnong Umkiang bad ka Deiwipaya Tongper, President STIEH.