Rah nam lahduh ka 7 Wasa Utd haka 18 Above football ka WJDSA

Syllad | The Rising MeghalayaDecember 4, 2021

Ka 7 Wasa Utd kala rah iaka nam lahduh hadien ba kala pynliem da 6-0 kol iaka Lutituber Ialong haka lympung ialehkai football ’18 Above Football League Knockout Tournament’ kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka sngi Saitjain.

Ha kane ka jingiakhun final ka 7 Wasa Utd kala ialehkai bha naduh ba sdang ka jingiakhun bad kala tam lypa 5-0 kol haka kylla step. Ka kol kaba hynriew ka 7 Wasa kala thep haka kylla miet.

U Baiahunlang Tariang marwei ula thep ar kol (12, 28), mar shikol da u Dashngain Sukhlain (20), George F Ryngkhlem (35), Sanjini Dkhar (38) bad u Weibha Nongtdu (80).

Ka khusnam Man of the Match la ioh khur da u Nikhil Dkhar jong ka 7 Wasa Utd. ka Top Scorer u Midaia Dhar jong ka Lutituber Ialong.

Iaka khusnam la sam da u ma SK Lato, uwei na ki nongseng iaka WJDSA uba long kum u kongsan, u working President WJDSA ma EMH Passah haka jingiadonlang kiwei kiwei ki dkhot ka WJDSA.