Rah nam lahduh ka Chilliangraij SC haka U-16 Independence Day Cup ka WJDSA

Syllad | The Rising MeghalayaAugust 15, 2019

JOWAI: Ka Chilliangraij SC kala rah iaka nam lahduh haka 7th U-16 Independence Day kaba pynïaid da ka West Jaiñtia District Sports Association (WJDSA) ha ryngkat ka jingïatreilang ka bor synshar District jong ka West Jaiñtia Hills District hadien ba kala lah ban pynliem da 2-0 kol ïaka Catholic Youth Mihmyntdu haka jingiakhun final kaba long haka sngi Palei.

U Mebakynsai Pale (21) bad u Sajemiki Shylla (60+3) kila thep ïa kine ki ar kol ban pynjop ïaka Chilliangraij bad ban ïoh rah syndon ïaka nam lahduh mynta ka kynti.

Ka Catholic Youth Mihmyntdu kala pyrshang ban ïakhun ban ïoh thep kol, hynrei ka jinglah ialehkai bha ka Chilliangraij SC baroh ki jingpyrshang ki jong ka kila bijai eiei.

Ka khunsnam Man of the Match la ïoh da u Mebakynsai Pale, ka Best Goalkeeper kala leit sha u Sawni Wan Kam bad ka Top Scorer sha u Sajemiki Shylla uba la thep 6 kol. Ka khusnam Player of the Tournament kala leit sha u Ram Biam. Baroh kine kiba ioh khur iaki khusnem shimet ki dei ki nongialehkai jong ka Chilliangraij.

Ïaki khusnam la sam da u Deputy Commissioner, West Jaiñtia Hills District u Garod LSN Dykes, u pleiar barim ka jylla u ma SM Tariang, u General Secretary barim ka WJDSA u ma JR Shullai, u List Joint Niang, Assistant Director Horticulture, u Ma D Lamar, Assisatant Director Agriculture, u Bah W Marbniang, District Agriculture Officer haka jingiadonlang ki nongialam ka WJDSA.