Rah nam lahduh ka DSE bad ka Kingsmen haka Open Basketball Tournament ka WJDSA

Syllad | The Rising MeghalayaOctober 30, 2022

Ka DSE bad ka Kingsmen kila rah iaka nam lahduh haka lympung ialehkai final Open Basketball Tournament ka West Jaintia District Sports Association (WJDSA).

Kane kala wan hadien ba ka DSE kala pynliem da 36-26 iaka Mixed Rimshots, katba ka Kingsmen kala pynlem da 82-79 iaka Don Rua haka jingiakhun final kaba long haka sngi Saitjain ha madan ialehkai Basketball ka Thomas Jones Synod College.

U MLA Jowai, Wailadmiki Shylla ula wan sakhi ia kane ka jingiakhun kum u kongsan ha ka jingiadonlang u Secretary ka Meghalaya Basketball Association, u Bah Donald Steven Wahlang nalor ki dkhot bad ki nongialam ka WJDSA.

Ka lahduh na ki shynrang kala khur iaka khusnam pisa T.60 hajar ba wan ba ar T.30. Na ki kynthei pat ka khusnam lahduh ka long T.15 hajar ba wan ba ar T.10 hajar bad la sam ruh iaki khusnam shimet kynthei bad shynrang.