Rah nam lahduh ka Iatyllilang Sc haka 11th Cash Prize Knock Out Football Tournament ka MSCSO

Syllad | The Rising MeghalayaNovember 18, 2021

Ka Iatyllilang SC kala rah iaka nam lahduh hadien ba kala pynliem iaka Khon ka Ri haka lympung ialehkai ka 11th Cash Prize Knock Out Football Tournament kaba pyniaid da ka Moopyniein Socio Cultural Sports Organization (MSCSO) kaba long haka 16 tarik une u bnai ha Wapungskur.

Ka Iatylli lang kala jop da ka tie breaker ha kane ka jingiakhun da 5-3. Ha ka jingiakhun katkum  ka por bala buh ka jingiakhun kala wai da kaba iakhaid.

La don ruh ka prokram pynbyrngia ba kynthup iaka jingshad tynrai na ki khun jong ka dong Moopyniein bad ka jingrwai na u Triberias Dkhar uba iashimbynta haka Jaintia Got Talent

U kongsan ha katei ka sngi u dei u Mari Dhar uwei na ki rangbah na ka thaiñ Umsning ha ka jingiadon lang u Heipor Bang uba dei u principal jong ka KB Memorial Secondary School, ka Jhanika Siangshai president Mahila Congress Committee East Jaintia Hills, Shaniahskhem Dkhar president jong ka MSCSO bad kiwei kiwei.