Rah nam lahduh ka Lion Sports and Youth Affair haka 2nd Div ka WJDSA

Syllad | The Rising MeghalayaOctober 19, 2024

Ka Lion Sports and Youth Affair kala pynliem da 2-1 iaka Nangbah Dukhu haka jingiakhun final bad rah syndon iaka nam lahduh 2^nd Division Football Tournament – 7^th Debo Shullai Memorial Trophy kaba pyniaid da ka West Jaintia District Sports Association (WJDSA) kaba long ha Kiang Nangbah Stadium haka 19 tarik u Risaw.

Ha lyndet kane ka namjop ka Lion kala wan dei lyngba ka jingioh thep kol Wailad Dame Niangty (30) bad  Prosperwell Dhar (40). Shikol na kaliang ka Nangbah Dukhu la thep da u Lamchwa Dong (63), uba la khur ruh iaka khusnam Man Of the Match hadien ba ula ialehkai bha ha kane ka jingialehkai final.

Ha kane ka aiom ialehkai u Prosperwell Dhar of Lion Sports and Youth Affairs ula ioh khur iaka khusnam top scorer, Wandari o Chyrmang ka Nangbah Dakhu – Best Goalkeeper bad u Thuara Nampui ka Nangbah Dukhu – Player of the Tournament.

Iaki khusnam la sam da kiba haiing u (L) Debo Shullai kiba kynthup ia u MLA Shillong South u Bah Sanbor Shullai uba long kum u kongsan bad kiwei kiwei haka jingiadonlang ki dkhot nongkikam ka WJDSA.

Ha kane ka sngi kala WJDSA kala pynkup burom ruh iaki khynnah ialehkai Under 14 Boys kiba la ioh ban rah iaka nam lahduh haka 1^st Edition Meghalaya Youth League 2024. La iadonlang bad ki kmie ki kpa jong ki.