Rah nam lahduh ka Lumshnong haka football ka Elaka Narpuh SA
Ka Lumshnong YWSC A kala iohrah iaka nam lahduh hadien ba kala pynliem iaka Ratacherra Lumtrom SC da 1-0 haka jingiakhun final ka lympung ialehkai football kaba tip kum ka Elaka Narpuh Football Tournament 2021 kaba pyniaid da ka Elaka Narpuh Sports Association kaba long ha madan Umkiang haka sngi Saitjain.
Ia kane ka shikol la thep da u Nelson Rymbai (16), kaba la biang pura iaka Lumshnong ban rah iaka nam jop.
La wan ban sakhi ia kane ka jingiakhun final da u kpa u MLA Khliehriat u ma Kor Sympli uba long u Vice President UDP, Meghalaya kum u kongsan haka jingiadonlang u Bhamon Shylla kum u symbud kongsan bad kiwei kiwei.
Ia ka khusnam Player of The Tournament bad Man of the Match la ioh rah da u Nelson Rymbai (Lumshnong YWSC A), Best Goalkeeper u Yoowanmi Syrti ( Lumshnong YWSC A), Top Scorer u Ker Pala (Umkiang Sports Association), Emerging Player of the Tournament u Donald Bareh (Umkiang Sports Association).
Ka khusnam Golden Boy of the Tournament la ioh rah da u Fedrick Suchen (Shymplong Sc), Fans of the Tournament u Denis Chyrmang (Umkiang) bad ka Discipline Team la ioh rah da ka Ratacherra CSC.
Ka Lumshnong YWSC kala ioh rah iaka song pisa T.50 hajar bad ka trophy, katba ka Ratacherra Lumtrom kala ioh iaka song pisa T.30 hajar bad ka trophy.
Facebook
Instagram
Youtube
Twitter
Leave a Reply