Rah nam lahduh ka Moomala SC haka Under-16 Football ka NSA

Syllad | The Rising MeghalayaMay 12, 2019

JOWAI: Ka Moomala SC kala rah ïaka nam lahduh haka Under-16 Football Tournament kaba pynïaid daka Nangbah Sports Association (NSA). Kane kala wan hadien ba ka Moomala kala pynliem da 2-1 ïaka Nangbah Iawmusiang SC haka jingiakhun final kaba long ha madan Dukhu, Nangbah haka sngi Saitjaiñ.

Ka NSA kala pynlong ïa kane ka jingïakhun football naka bynta ban sei ïaki sap ki phong jong ki khynnah U-16 na ka shnong Nangbah bad ban jied ïa ki khynnah kiba don sap ban mihkhmat iaka NSA sha ka lympung ialehkai Under-16 kaba pyniaid da ka West Jaiñtia District Sports Association (WJDSA).

Ïa kane ka jingiakhun la wan ban sakhi da u nongïalam ka JSU Lawyerson War, Vice President WJDSA P Lamare, Kenndy Shylla Joint Secretary WJDSA, Lakhon Biam MDC ka thain uba long ruh u Chairman JHADC haka jingïadonlang ki Waheh Chnong, Waheh Dong bad ki nongialam ka NSA.