Rah nam lahduh ka Mulait United haka Super Div ka Saipung Block
Ka Mulait United FC rah iaka nam lahduh da kaba pynliem iaka Lamyrsiang SCC da 1-0 haka jingiakhun phainal jong ka aiom ialehkai Super Division Football League kaba pyniaid da ka Saipung Block Sports Association (SBSA) ha madan ialehkai Lamyrsiang haka 18 tarik Nohprah.
U Sani Phawa ula ioh ban thep ia kane ka kol haka minit kaba 38 bad kaba biang pura iaka Mulait United FC ba kan khur iaka nam lahduh.
Ia ki khusnam la sam da u kongsan u Ma Defend Pakem haka jingdonlang u Ma Jikham Syrti bad District Sports Officer West Jaintia u Bah Khroobok Passah.
Ka lahduh ka Mulait United FC ka la ioh iaka song pisa kaba 50 hajar tyngka katba ka Lamyrsiang SCC ka la ioh pdiang iaka song pisa kaba 30 hajar tyngka ryngkat ka Trophy.
La sam ruh iaka khusnam ‘Man of the Match’ sha u Jeffre Surong, ka nam ‘Goal keeper of the Tournament sha u Sbing Chyrmang kine arngut kidei ka ka Mulait United FC, katba iaka nam ‘Top scorer’ la ioh da u Go Gou Hangshing uba la thep 15 Goal ha kane ka aiom ialehkai bad ka nam ‘Player of the Tournament’ la ioh da u Lamphrang Paslein baroh angut kidei na ka Lamyrsiang SCC.
Facebook
Instagram
Youtube
Twitter
Leave a Reply