Rah nam lahduh ka Rising Star haka T20 Cricket ka AJCA

Syllad | The Rising MeghalayaApril 10, 2021

Ka Rising Star kala rah iaka nam lahduh haka Open To All T20 Cricket Tournament 2021 ba pyniaid da ka  All Jaiñtia Cricket Association (AJCA) hadien kala pynliem ïaka Umshangïar da ka super over haka jingiakhun final kaba long haka sngi Saitjain ha Jrisalein, Chutwakhu, Jowai.

Haba phai sha ka jingiakhun ka Rising Star kaba la jop iaka toss kala kam trai ban tied shuwa bad kala kamai 139/6 na ka 20 over.

U Dawanroy Nongpluh u la kamai u 51 ron (7×4 bad 2×6), u Daymeniv Shullai u la kamai 21 ron (2×4 bad 1×6). Katba ki nongkawang bol ka Umshangiar u Heisar Bareh ula khur khur 3 wickets na ki 4 Overs, u Heipormi Laloo pat u la khur 2 wickets na ki 4 overs.

Haba la poi ka pali jong ka Umshangiar ban beh iaka thong kala kamai139/9 na ka 20 overs kaba la pynlong ia kane ka jingiakhun ban iakhaid.

U Satemitre Bareh u la kamai 56 ron (9×4), u Kuneki Lato pat  u la kamai  19 runs (2×4 bad 1 x6). Na kaliang ki nongkawang bol ka Rising Star u Peterson Lamare ula khur 3 wickets na ki 4 overs, u Kyrmen Suchiang bad u Sanki Pakyntein pat ki la khur mar  2 wicket marwei na ki 4 overs

Haba la rah iaka jingiakhun sha ka ka super over, ka Umshangiar kaba tied nyngkong ha ka kala ioh 8 run. Ka Rising Star kala ioh 9 run na ki 5 balls bad kane kala biang pura iaka Rising Star ban rah iaka nam lahduh.

Iaki khusnam la sam da u kongsan Bah Paul Lyngdoh, EM KHADC haka jingiadonlang ki dkhot naduh u president u ma Eddystone Shylla bad kiwei kiwei.