Rah nam lahduh ka Sailung Ialong haka Under-17 Independence Day Cup ka WJDSA

Syllad | The Rising MeghalayaAugust 15, 2022

Ka Sailung SC, ka lah ba kan pynliem noh ia ka Lutituber SC da ka tie breaker da 5-4, ha ka phainal ka lympung ialehkai Under-17 Independence Day Cup Football Tournament kaba pyniaid da ka West Jaintia District Sports Association (WJDSA) ha ryngkat ka bor synshar district jong ka West Jaintia Hills District.

Ha ka jingiakhun final kaba long haka sngi Nyngkong kaba long ha Kiang Nangbah Stadium, ka jingiakhun hapdeng kine ki arliang mamla haka por kaba buh kala wai da kaba iakhaid khlem don mano mano ba ioh thep kol. Hadien ba kine ki kynhun kila iakhaid la rah iaka jingiakhun sha ka Extra Time hangne ruh ym lah ban rai iaka rem ka jop kine ki kynhun.

Kine ki arliang mamla kila ioh mar katjuh ki kabu ksiar, hynrei kim lah satia ban pynkylla iaki kabu ba kila ioh sha ki kol.

Kumta ban rai iaka namjop namrem la rah iaka jingiakhun sha ka tie breaker ha kaba ka Sailung kala jop da 5-4 iaka Lutituber.

U kongsan ba wan sakhi ia ka jingiakhun u dei MLA Jowai u Ma Wailadmiki Shylla haka jingdonlang u Deputy Commissioner ka West Jaintia Hills District u Ma Garod LSN Dykes, IAS, u District Sports Officer ka West Jaintia Hills District u Khroobok Passah, u Working President ka WJDSA u Ma EMH Passah, ki dkhot nongkitkam ka WJDSA bad kiwei kiwei.

Ka khusnam ‘Man of the Match’ la ïoh rah da u Seiborlangki o Rymbai na Sailung Ïalong, ka nam ‘Best Goalkeeper’ la ïoh rah da u Heimonmitre Shylla na Luti Tuber Ïalong, ka nam ‘Top Scorer’ la ïoh rah da u Banshanbor Pale na Sailung Ïalong uba la thep haduh 9 kol bad ka nam ‘Player of the Tournament’ la ïoh rah da u Ïohbhah Dhar na Luti Tuber Ïalong.

U Hony General Secretary WJDSA Ma Lamma too Laloo ula iathuh ba ka lahduh kan leit ban iashimbynta haka state level bad ki kynhun kiba jop na ka Jylla kin ioh ban mihkhmat haka National Level.