Rah nam lahduh ka Tynring FT haka 4th Div ka SSA

Syllad | The Rising MeghalayaOctober 28, 2021

Ka Tynring FT ka la ioh ba kan rah ia ka nam lahduh ka lympung ialehkai 4th Division Football League ka Shillong Sports Association (SSA) hadien ba kala jop pyrshah iaka Pay for Right Football Academy da ka tie breaker da 3-2 haka jingiakun phainal kaba long ha JN Stadium, Polo haka sngi Palei.

Ka jingiakhun haka por kaba la buh kala wai da kaba iakhaid mar shikol. Ka kol kaba nyngkong kala wan haka minit kaba 6 lyngba u Winaldy Suting.

Pynban ka kynhun ialehkai jong ka Tynring kam shym la duh mynsiem, hynrei ba kin iai trei shitom bad kala ioh pynphai pat ia kane ka shi kol ha ka minit ba 60, kaba la wan lyngba ka freekick ba la shut ia ka da u Laripyntngen Kharlartang.

Hadien ba la kut ka por ba la buh, la rah sha ka extra time kaba long mar 7 minit shiteng bad hangne ruh ki ar kynhun kim shym la lah shuh ban ia pynkhih jar, khnang ban ioh ia ka rai mano ban rah ia ka thong, la rah noh sha ka tie beaker ha kaba ka Tynring FT ka la mih paw syndon ialade kum ka nongjop.

U Kongsan ba la wan ban sakhi lang shipor ia kane ka jingialehkai phainal dei u Assistant Director Sports & Youth Affairs ka sorkar jylla u bah Paia B War Nongbri bad na ka liang ka SSA la sakhi lang da u Hony secretary u bah SS Rapthap, u Chairman ka Tournament Committee bad u vice president u bah Robert Dkhar bad kiwei kiwei ki dkhot nongkitkam jong ka synjuk.