Rah nam lahduh ka WJH Police XI haka football ka MSGEF

Syllad | The Rising MeghalayaDecember 15, 2021

Ka WJH Police XI kala kylla long ka lahduh hadien ba kala pynliem da 1-0 kol iaka PHE XI haka lympung ïalehkai kaba tip kum ka “8th U Kiang Nangbah Memorial Inter Office Football Tournament 2021” kaba pynïaid da ka Meghalaya State Government Employees’ Federation (MSGEF), Jaiñtia Unit ha Kiang Nangbah Stadium haka sngi Balang.

Kane ka shikol kala mih paw haka dur jong ka own kol kaba la thep bakla da u Armorando Shullai u pleiar ka PHE XI haka mint kaba 40.

Kane ka kol kala neh haduh ba kut ka por iakhun kaba la biang pura iaka WJH Police XI ban rah iaka nam lahduh.

Ïaka lympung la wan ban pynhap pyrda ïaka da u Deputy Commissioner ka West Jaintia Hills District Ma Garod LSN Dykes haka jingïadonlang u District Sports Officer ka West Jaintia u Ma Khroobok Passah, ki dkhot ka WJDSA bad kiwei kiwei.

U Superintendent of Police West Jaintia Hills District u Bikram D Marak ula sam khusnam shaka kynhun lahduh bad kynhun shah rem.

La sam ruh ïaki khusnam ‘Best goal keeper of the tournament’ la ïoh da u Ebormitre Sutnga na ka PHE, ‘Top Scholar’ la ïoh rah da u San Hame Bareh bad Ending Born Lyngdoh jong ka PHE bad ka khusnam ‘Player of the Tournament’ la ïoh rah da u Everest Rynjah jong ka Police.