Rah nam lahduh u Emboklang Jat haka lympung ialehkai Badminton ka Wahiajer

Syllad | The Rising MeghalayaJanuary 25, 2021

U Emboklang Jat ula rah iaka nam lahduh haka lympung ialehkai Badminton tournament ba nhyngkong eh ka Wahiajer Sports Club kaba la poi sha kaba kut haka sngi Nyngkong.

Kane ka lympung ialehkai kala sdang naduh u bnai Nohprah 2020.

Kane kala wan hadien ba u Emboklang u la pynliem ia u Riburom jat haka jingiakhun final haka kyrdan single, katba haka jingiakhun double iaka nam lahduh lah ioh rah da u Emboklang Jat bad u Riburom Jat da kaba pynliem ia u Kamniwan Pakyntien bad ia u Ebormi Jat.

Watla kane kan dei ka sien kaba nyngkong bala pynlong iaka jingialehkai Badminton ha katei ka shnong, hynrei kala plie lad pat iaki samla ka shnong ban pynpaw iaki sap ki phong jong ki lyngba kane tournament.

U Ma Kmenlang Shylla ula long kum u kongsan bad ula sam iaki khusnam sha ki nongjop. la iadonlang u secretary sport ka Wahiajer u Dauni Phawa lem bad kiwei ki dkhot Wahiajer sports club.