Rah placard ka JSM ban dawa kolej sorkar ha khyrdop Jaintia Eastern College

Syllad | The Rising MeghalayaSeptember 1, 2021

Mynta ka sngi marsien tip iaka jingwan iuh kjat u Myntri ka tnad pule puthi sha Jaintia Eastern College, Khliehriat, ki dkhot jong ka JSM Eastern Region ki la pynlong da ka jingrah placard ha khmat ka khyrdop rung sha katei ka kolej ban dawa kolej sorkar ba pura.

Ka Jaintia Students Movement (JSM) ka la ud ki la nam ia ka Sorkar Jylla ban buh noh da ka Govt College ha Khliehriat na bynta ki samla pule jong ka East Jaintia Hills District, hynrei haduh mynta mynne ka sorkar ka la shu sngap mynthi halor ka jingdawa jong ka.

Ki placard ki la kren shai kdar ba ka JSM ka ieng skhem halor ka nongrim jingdawa jong ki ban buh ia ka Govt College ha ka thain.

U nongialam jong ka JSM Eastern Region Wellson Siangshai ula ong ba kane ka jingdawa ia ka Govt College kala sdang naduh u snem 2016 namar ba don tang kawei ka Govt College ha rilum Jaintia kata ha Jowai bad kam lah ban ai jaka ia baroh ki samla pule ka thain.