Rah u Dabit bad ka Phyrnai iaka Fit India Freedom Run 3.0 ha Jowai

Syllad | The Rising MeghalayaOctober 22, 2022

U Dabit Dkhar bad ka Phyrnai Kyndait kila rah iaka nam lahduh haka jingmareh Fit India Freedom Run 3.0 kaba pynlong da ka ophis u Deputy Commissioner, West Jaintia Hills ha ryngkat ka ophis u District Sports Officer, West Jaintia Hills District haka sngi Saitjain.

Nalor u Dabit, kiba wan ba ar bad balai na ki shynrang ki dei u Dasaman Kyndait bad u Marso Kyndait. Baroh kine ki lai ngut kli dei na ka shnong Sabahmuswang.

Na ki kynthei ka lahduh kiba wan ba ar bad balai ki dei ka Dakani Shylla kaba na Caroline Colony bad ka Sambun Kyndait. Ka Phyrnai bad Sambun ki dei ki thei na ka shnong Mukhaialong, East Jaintia Hills District.

Ia kane ka jingmareh Fit India Freedom Run 3.0 la sdang na khyrdop ka Kiang Nangbah Stadium bad ïaid lyngba ka Ladthadlaboh Main Road, Jowai Public School, Dulong College Road, Dulong (Main Road), Iongpiah, Panaliar, Civil Hospital barim, Le Kyrnah bad la pynkut ha u mot Kiang Nangbah ha Syntu Ksiar.

U Working President ka West Jaintia District Sports Association (WJDSA) Ma EMH Passah ula kaweh iaka lama ban sdang kane ka jingmareh. Ula sam ruh iaka khusnam sha ki nongjop haka jingiadonlang u Patrick Lamare vice president ka WJDSA, u DSO, Ma Khroobok Passah nalor kiwei kiwei ki nongialam bad dkhot ka WJDSA.