Rah u Daniel Lyngdoh Wahlang iaka marathon ka JTES

Syllad | The Rising MeghalayaApril 26, 2022

U Daniel Lyngdoh Wahlang uba na Mawlai ula rah iaka nam lahduh haka marathon kaba long ka Jaintia Tourism and Environment Society (JTES) kaba la long haka Saitjain ka taiew kaba la dep.

U Dasaman Kyndait bad u Belin Dkhar kila la long ki lahduh ba ar bad balai.

Ia kane ka marathon la sdang na Thadlaskein bad pynkut ha Jrisalein, Chutwakhu, Jowai ha kaba u Superintendent of Police, West Jaintia Hills Bikram D Marak ula long u kongsan bad ula kaweh iaka lama haka jingiadonlang ki dkhot bad ki nongialam ka JTES naduh u ma Philemon Lyngdoh, ma JM Pohsngap, ma MS Lhuid, Ma Sk Lato bad kiwei kiwei.

Kumban shu pynkynmaw ba kane ka  prorkam ka dei shibynta ka jingrakhe iaka Azadi Ka Amrit Mahotsav ka jingrakhe iaka jingioh laitluid ba 75 snem bad kumjuh iaka jngdap 50 snem ka jingioh jylla ba pura ka Meghalaya.

U SP haba kren haba kren kum u kongsan ula kyntu ia ki nongmareh ba kin don ka thong bad ka jingmut kaba skhem bad ban long kiba iaishah ha kano kano ka kam kaba ki leh ban jop haka jingim.

Hadien la sam ruh iaka khusnam sha baroh ki nongjop.