Rah u Dasaman bad ka Happiness iaka Run for Democracy ha Jowai

Syllad | The Rising MeghalayaFebruary 20, 2023

U Dasaman Kyndait bad ka Happiness Phawa kila rah iaka nam lahduh haka Run for Democracy kaba pynlong da ka ophis Deputy Commissioner (Election) haka jingiatreilang ryngkat bad ka ophis u District Sports Officer, West Jaintia Hills District.

U Sanctify Pale bad Marso Kyndait ki long ki lahduh ba ar bad ba lai, katba ka Mini Kyndait kala wan ba ar na ki kynthei.

Kane ka Run for Democracy kala sdang na Kiang Nangbah Stadium bad la pynkut ha Indoor Hall Kiang Nangbah Stadium kaba la kaweh lama da u Silvester Phanbuh, Extra Assistant Commissioner uba la sam ruh iaki khusnam sha ki nongjop ryngkat u ma EMH Passah, working president WJDSa haka jingiadonlang u DSO Khroobok Passah. Ka khusnam pisa iaki nongjop ka long T.7000/-, T.5000/- bad T.3000/-.