Meghalaya Games: Rah u Pynskhemborlang Marngar na West Khasi Hills bad ka Olivia Dkhar na West Jaintia Hills iaka COC haka Arm Wrestling
Ka jingialehkai jong ka jingiakhun kti kam lah khlem da pynhun hi jrut ia ki paidbah nongpeitkai ha Don Bosco Junior College Indoor Arena. Ka jingiakhun kti ka long kaba shongkun ha ka final ha kaba ki nongshim bynta ki la sei la ka buit ka bor ban jop ha kane ka lympung.
Hadpeng ka jinglehkai, ka East Khasi Hills bad South-West Khasi Hills ki la wan hakhlieh duh ha ka jingiakhein point da kaba khur mar artylli ki takma ksiar katba ka West Khasi Hills, Eastern West Khasi Hills, West Jaintia Hills bad East Garo Hills ki la ioh mar kawei ka takma ksiar.
![](https://www.syllad.com/wp-content/uploads/2024/09/JIT-Vacancy-823x1024.avif)
Ha ka jingiakhun jong ki kynthei hapoh ka jingjia 55 kg, 60 kg bad 60 kg shajrong, ka kong Pynsuklang Lyngdoh na Eastern Wet Khasi Hills, Olivia Dkhar na West Jaintia Hills bad Rikka Ch Marak na East Garo Hills ki la sei la buit ka bor ka jong ki bad ki la ioh ban khur ia ka jingjop. Na ka liang ki shynrang, u Brandon Tariang na East Khasi Hills u la jop ha ka jingkhia 85 kg, u Mebansan Sangma na South-West Khasi Hills u la jop ha ka jingkhia 85 kg.
Na ka bynta ka nam Champion of Champions (COC), la ioh ban khur da u bah Pynskhemborlang Marngar na West Khasi Hills ha ki kyrdan jong ki shynrang ha ka jingkhia kaba 75 kg bad na ka liang ki kynthei la ioh ban khur da ka Olivia Dkhar na West Jaintia Hills ha ka jingkhia kaba 60 kg.
![](https://www.syllad.com/wp-content/uploads/2024/01/Arm-Wrestling-Male-jpg.webp)
![](https://www.syllad.com/wp-content/uploads/2024/01/Arm-Wrestling-Female-jpg.webp)
![](https://www.syllad.com/wp-content/uploads/2024/01/Arm-Wrestling-Megh-Games-jpg.webp)
![](https://www.syllad.com/wp-content/uploads/2024/01/Arm-Wrestling-jpg.webp)
U Deputy Commissioner, u Jagdish Chelani, IAS, u la ong ba ka long ka sien kaba nyngkong eh ba ka arm wrestling ka la rung ha ka thup jong ka Meghalaya Games bad ka Meghalaya Games ka la wanrah shibun ki jingmyntoi na ka bynta ki nongialehkai, ki rang bad ki thei ialehkai.
Leave a Reply