Rai beh shnong ka Mynthning ïa baroh ki ‘Palat Shnong’ yn ujor ka MPUF
KHLIEHRIAT: Ka Dorbar Shnong jong ka Mynthning kala rai beh shnong ïa baroh ki briew kiba na bar bad bym dei trai shnong kiba tip kum ki ‘Palat Shnong’ kaba kynthup ïa kiba shong die dukan ha katei ka shnong la kynnoh ka Meghalaya people’s United Front (MPUF)-East Jaiñtia Hills District
Ka MPUF kala kynnoh ba mynta haduh 8 ngut ki longkmie bad u wei u rangbah ba kynthup iaka Kong Kreshia Chyrmang, Kong Skeng Dkhar, Kong Shwa Dkhar, Kong Riyaka Dkhar, kong Broit Chyrmang, Kong Tieh Chyrmang, Kong Iar Chyrmang bad u Iaid Paslein kila shah beh na katei ka shnong Mynthning kaba hapoh Elaka Sumer, East Jaiñtia Hills District.
![](https://www.syllad.com/wp-content/uploads/2024/09/JIT-Vacancy-823x1024.avif)
Ka MPUF kala pynpaw ba ka jingialang jong ka Dorbar Shnong Mynthning Pyllun kaba long haka 3 tarik Risaw da kawei ka sur kala rai ban beh shnong ïa baroh ki ‘Palat Shnong’ kynthup ïaki trai muluk, khamtam kiba wan na kiwei kiwei ki shnong ha RIlum Jaiñtia hapoh ka 6 tarik u Risaw.
Kine ki phra ngut ki lanot ba shah beh shnong kila ujor sha ki nongialam jong ka MPUF ba kynthup ïa u Michal Chyrmang, Hamwer Bhoi ki nongialam ka MPUF na East Jaiñtia bad u Dapoiwanmi Laloo bad u Aimonbha Syad ki nongialam jong ka MPUF Central Body.
Ka MPUF kala ïakren bad u Waheh Shnong Mynthning lyngba ka phone bad une u nongialam shnong ula kam ba kim lah ban pynkylla iaka rai ka dorbar halor kane ka jingbeh shnong ia ki briew kiba na bar.
Kine ki nongialam ka MUPF kila rai ban ujor halor kane ka jingle donbor ki nongialam shnong ka Mynthning sha u Deputy Commissioner jong ka East Jaintia bad sha ka Jaiñtia Hills Autonomous District Council (JHADC) halor ka jingleh donbor bad ïaid lait ïaka riti synshar jong ka ri.
La kynnoh ba kine ki phra ngut kila shah pynmih jubor na katei ka shnong ryngkat ka jingmaham ïa kiwei ruh ki bar shnong kiba shong ba sah ha katei ka shnong ba ki dei ban mih noh na katei ka shnong.
Ka kong Broit Chyrmang kala kynnoh ba ki nongialam shnong jong ka Mynthning kila pynmih jubor ïaka bad kim ailad wat tang ban shet ban tiew hala ka jong ka ïing kaba ki sah ruh. Kane ka jia ruh iaka Kreshia Langstang ba kim shah ban sah ki khun ksiew jong ka hala ka jong ka iing jong ka.
Kala ong ba kam don ïing shuh shawei bad kam dei ka briew kaba dap kaba biang ban shna ïing sha kiwei kiwei ki jaka bad ki nongialam shnong ka Mynthning kila maham bad hukum beit ba kin mih noh mar mar na katei ka shnong.
Leave a Reply