Rai ka Congress Nartiang ban trei borbah ban pynjop ia u kyrtong
Ki nongialam ka Congress ha 1-Nartiang Block Congress Committee kila rai ban trei borbah ban pynjop iala u kyrtong u Ma Emlang Laloo, uba la pynbna paidbah ban mih madan haka elekshon MLA 2023 na 1 Nartiang Constituency.
Ka Nartiang Constituency ka dei kaba ju khlain ka Congress, kaba wat u MLA ba mynta ma Sniawbhalang Dhar ula jop nyngkong eh na ka Congress bad ki dak ki shin ki kdew ba haka elekshon 2018, ka Congress ha kane ka thain kam shym la rem bun.
Shuh shuh ban pynkhlain iaka party Congress ha kane ka thain, haka sngi Balang, u Ma Emlang ryngkat bad u president ka 1 Nartiang Block Congress Committee Ma Elias Susngi kila jied bad pynskhem ia baroh ki nongkitkam
La jied Working president ia u Ma Samson Ryngkhlem, vice president u Jomeo Dkhar bad Dathmulang Ryngkhlem, general secretary Pyrkhatbha Pyrphet, assistant secretary Precious Ryngkhlem u Meri Rymbai, katba u organizing secretary u Eklis war.
La jied ruh ia 2 ngut ban mih khmat sha ka District kiba kynthup ia u Ma Defence Susngi bad u Ma Kishon Kharshohnoh bad 45 ngut ki executive members.
Ki nongialam bad ki dkhot ka Nartiang Block Congress Committee da kawei ka sur kila rai ban trei shitom ban pynjop ia u candidate jong ka Congress party ha kani ka kynti, la ong u general secretary.
Facebook
Instagram
Youtube
Twitter
Leave a Reply