Rai ka Dorbar Shnong Tympang Iawmusiang ban pynlong da ka common platform ban ialap ki kyrtong MDC sha ka JHADC

Syllad | The Rising MeghalayaFebruary 5, 2025

Ka Dorbar Shnong Tympang Iawmusiang, Jowai ka pynbna sha phi baroh ba katkum ka meeting ba dang dep long dang shen ka la shim ia ka rai ba kan pynlong da ka common platform na ka bynta baroh ki kyrtong ka 18 Jowai North MDC Constituency.

U Waheh Shnong Dorbar Shnong Tympang Iawmusiang, u ma Ajoy Lywait ula ong ba ka tarik kaba la pynbeit ban pynlong ia kane common platform kan long ha ka 17.02.2025 (Monday), por 6:30 pm ha Tympang Club Hall, khnang ban ailad khlem da niew shilliang khmat ia uno uno u candidate (Free and Fair Poll) bad la buh ruh ia kine ki kyndon harum:

• Yn don ka khalai nusib na ka bynta ka pali ban kren ha rynsan ha ka por 6:15 p.m. thik ia baroh ki candidate.

• Yn ailad ban kren tang ia ki Candidate bad yn ai por 30 minit ia uwei bad kumjuh ban pynkut pat yn ai 10 minit ia u Sitting MDC bad 5 minit na ka bynta kiwei pat.

• Yn shah ban synran ia u Candidate tang hapoh 10 ngut ki nongkyrshan kiba na shabar ka Shnong bad bym dei ban palat ia ka 10 ngut.

• Yn shah tang 2 tylli ki kali ban synran ia u Candidate.

• Baroh ki jinglut ha kane ka Common Platform naduh ka sha, ki Sound System baroh yn pyllut hi da ka Fund Shnong.