Rai ka JSM ban buddien iaki ishu dawa kolej sorkar ha Khliehriat

Syllad | The Rising MeghalayaDecember 15, 2021

Ka Jaintia Students’ Movement (JSM) kala rai ban buddien iaka ishu ban dawa kolej sorkar ha Khliehriat, kumjuh ha kaba iadei ban ka jingdawa pynrung iaka ktien Khasi haka Eight Schedule ka riti synshar ka Ri.

Ia kane ka JSM kala shim rai haka jingialang General Annual Meeting ka ba VIII kaba long ha Khliehmyntriang, East Jaintia Hills District haka sngi ba Ar.

Ia ka jingialang la pyniaid da u vice president JSM central body u Skhembhalang Dkhar .

Ka JSM kala ong ba ka jingdawa kolej sorkar kala sdang naduh u snem 2015, hynrei haduh mynta ym don satia kino kino ki dak ki shin ba ka sorkar ka wanrah ia kane ka kolej ban pynjan iaka jaka pule sha u paidbah ka thain East Jaintia Hills.

Ha kaba iadei bad ka ktien Khasi, ka JSM kala ong ka por kala dei eh iaka sorkar kan pynrung haka riti synshar ka Ri khnang ban ithuh bad ban pynroi iaka ktien Khasi.

U Leningatar Rymbai president JSM, ula ong ka jingtlot ki nongmihkhmat la ha ki ADC ne Assembly kala pynlong iaki trai ri ban iakynduh ha rukom ki jngeh khamtam haka kam khaiï pateng hapoh ka Jylla namar ka jingbym lah ban tehlakam ia u barjylla bad ka kam benami kaba la pynshlur iaki bar jylla ban leh trai khlieh ha baroh ki jait kam.

Ka JSM kala shim iaka rai ba kan buddien ia kine ki ishu bad ban iakhun haduh ba da urlong ka jingangud u paidbah.