Rai ka JSM ban weng hi iaka khyrdop khajna ka KAAC ha Khanduli

Syllad | The Rising MeghalayaJuly 29, 2023

Ka Jaintia Students’ Movement (JSM) Western Region ka la rai ban leit hiar hi dalade sha ka shnong Khanduli ban leit weng ia katei ka Entry Tax Gate da ka Karbi Anglong Autonomous Council (KAAC) bad lada jia ei ei ia ngi ka Sorkar ka dei ban bah khlieh ia kita kiei kiei baroh.

La shim ia kane la rai hadien ka jingbym lah jong ka Sorkar MDA hapoh ka jingialam jong ka NPP ban tehlakam ia ka jing kyntur pud jongka Assam sha Meghalaya ka shnong Khanduli.

Ha ka kyrwoh bala phah da u President jong ka JSM Western Region u Ribok Biam ula ong ka jing kyntur pud beain bad kaba khlem nongrim jong ka Karbi Anglong kala nang paw tynkrein katba ngan iaid ki por bad ki sngi.

U la ong hynrei ka Sorkar Jylla Meghalaya pat ym tip na kiei ki daw, i kumba ka ailad khnang ia ka Karbi Anglong ban kam ia ki jaka puta badei ka hok nongkynti jong ka Jylla Meghalaya.

U la kdew ia ka jingbuh Tax Gate ka KAAC ha ka shnong Khanduli naduh ka 15th April 2023, wat lada kane ka jaka ka hap hapoh u pud u sam jong ka Shnong Khanduli wat la kane jaka kam hap ha ki jaka ia khajia pud bad ka Assam hynrei ka sorkar haduh mynta kam pat lah ban leh eiei ban weng ia katei ka Tax Gate jong ka KAAC haduh mynta.

Na ka liang ka JSM, u Ribok u la ong ka la sngewdei ban ai ka jingiaroh ia kane ka Sorkar, kaba kloi ban shim ia ka sien jam kaba nyngkong ban shimkhia ban pynbiet ia u pud u sam bad ka Assam ia kaba la sahteng da ki Sanphew snem shadien.

U la pynpaw ia ka jingsngewkhia bad jingbitar halor ka jingwan sieh signboard jingmana ka ba jngai kumba 400 metre eiei na ka Tax Gate hapoh U pud U sam ka shnong Khanduli.

Ula pynrem jur ia ka JHADC wat hadein ba ngi la dep ban buh jingthoh kam leh eiei bad ka sngap mynthi tad haduh mynta.

Ula kynnoh ba kane ka pyni shai ba ka JHADC kam don ia kata ka iktiar kumba la pynkham ha ka, ban iada ia ka khyndew ka shyiap, ka Riti Dustur bad ia ki jait bynriew ritpaid.

Ula bynrap Imat ki MDC ki ba shong ha kane ka Council ki long tang kum ki dieng iap, tang shu wan ka lyer iong kin sa ur bad khyllem noh. Kane ka la pynskhem shisha ia ka jing ong mano re mano ” Ka JHADC ka la jan ngam jyllop”.