Rai ka KSU Narpuh ban ujor sha ka NGT halor ka jingkylla rong ka Wah Lukha

Syllad | The Rising MeghalayaJanuary 14, 2021

Ka Khasi Students’ Union Narpuh Circle kala rai ban ujor sha ka National Green Tribunal (NGT) namar ka jingbym shimkhia ka sorkar jylla ban phah tohkit halor ka jingkylla ring blue ka Wah Lukha.

Ia kane ka rai ka KSU kala shim haka sngi Palei, hadien ba u DC, East Jaintia Hills u la iathuh ba haduh mynta um shym la ioh satia ka report na ka Meghalaya State Pollution Control Board (MSPCB).

“Ka jingbuh por ka la kut, hynrei haduh mynta ka sorkar ka khlem leh eiei. Ngi la dep shim ia ka rai ba lada ka sorkar ka sngap jar ka seng kan leit ujor sha ka National Green Tribunal (NGT), kumta hap ban leh namar la i  ngiah ia ka jingbymshim khia naduh ka sorkar barim bad haduh mynta.” la ong u KS Suchiang president KSU Narpuh Circle.

“Ngim kam lah shah  ban shu peit ki khmat namar ka jingduh nong ba khraw ia ki trai shnong, kane ka jingkylla rong ka um bad ka jingkylla acid ka wah kala pyniap lut iaki dohum, ka ktah iaka koit ka khiah u briew ba pyndonkam ha ka shet ka tiew, ka sum ka sait  ka jingdonkam ba manla ka sngi,” ong shuh shuh une u nongialam bad tang da ka jingmudui iaka mukotduma sha ka NGT kan lah ban ai ia ngi iaka daw ba kylla rong ka wah Lukha.