Rai ka MeECL ban siew pynkhuid ia ka ram bai bording ba palat T.560 klur sha ka NTPC

Syllad | The Rising MeghalayaFebruary 19, 2025

Ka Meghalaya Energy Corporation Limited (MeECL) ka la rai ban siew pynkhuid noh ia ka ram bai bording kaba kot palat T.560 klur sha ka National Thermal Power Corporation Limited (NTPC) ha u snem ban wan..

Ki khubor na ka Tnad Bording ha ka 18 tarik Rymphang ki la ong ba ka MeECL ka la lah ban siew pynkhuid ia baroh ki ram ba pynsah ha baroh ki kompeni lait noh ka NTPC.

“Ka ram bai bording ka la hiar na kumba T.664 klur sha ka T.565 klur, bad ngi la siew ia ka ha ki 20 instalment. Ngi kyrmen ba hapoh u snem u ban wan ngin lah ban siew pyndep noh ia ka,” ong ki heh ka Tnad bording.

Haba pynpaw ba ka MeECL ka la tyngkai bha ha kaba iadei bad ka jingpyndonkam bording, ki heh ka tnad ki la ong ba kane ka tnad ka la ban jur halor ka jingdokam ban don lang noh ia ki Hydel bad Thermal power project ka ban long da 60:40 khnang ban lah ban pyndap pynbiang ia ka jingdonkam bording hapoh ka jylla.