Rai ka sorkar ban pyllait noh ia ka tulop ki nongtrei bad kyntiew ia ka DA da 3%

Syllad | The Rising MeghalayaDecember 20, 2023

Lehse kan dei ka jingkmen kaba khraw ia ki nongtrei sorkar hadien ba ka sorkar jylla haka 20 tarik Nohprah ka la pynbna ba kan pyllait noh kloi ia ka tulop jong une u bnai Nohprah sha ki 55,000 ngut  ki nongtrei sorkar ha ka jylla.

Ha kajuh ka por na ka liang u Myntri Rangbah ka jylla, u Conrad K Sangma haba ai khublei Christmas sha baroh ki nongtrei sorkar, u la pynbna ruh halor ka kyntiew ia ka Dearness Allowance (DA) kaba 3%, kata na ka 36% sha ka 39% naduh ka 1tarik u Naitung 2023.

Kane ka jingbthah kan treikam sha baroh ki dkhot jong ki work-charge bad ki nongtrei casual lait noh ki bungalow person, kiba bat ia ka kyrdan kiba hap hapoh ka applicable pay level kaba ia ryngkat bad ki nongtrei jong kane kajuh ka kyrdan kiba hap hapoh ka regular establishment, services lane post.

La pyntip ruh ba kane ka Dearness Relief bala kdew ha kane ka jingpynmih hukum ba  kan ym treikam (sospon) lada ki nongtrei bala shongthait ne ki longiing jong ki nongtrei bala shongthait kila ioh kam biang hapoh ka State/Central Government lane la thungkam biang ia ki hapoh ka State/Central Government Company, Corporation, Undertaking, lane Autonomous Body.

Kane ka jingpynsangeh treikam ia ka hukum kan kut noh hadien ba kane ka jingaikam biang ia kine ki briew kala kut noh”.