Rai ka Synjuk Waheh Shnong ban pynduh noh ïaki shnong snaïap ha Rilum Jaiñtia

Syllad | The Rising MeghalayaFebruary 23, 2020

Ka Synjuk ki Waheh Shnong Ri Jaiñtia kala rai ban nym pdiang ne ithuh ïaki shnong snaiap kiba don ha Rilum Jaiñtia khamtam ki shnong kiba don ha ki thain khappud.

Ïa kane ka rai la shim haka jingialang jong ka synjuk kaba long haka sngi Saitjain ha Ladthadlaboh Indoor Hall. La rai ruh ban ai jingthoh sha ka Jaiñtia Hills Autonomous District Council (JHADC) halor kine ki shnong snaiap bad ban kyntu ba kam dei ban pdiang ïa kum kine ki shnong ne ban ai sanad ïa kine ki shnong.

Ha kane ka jingïalang jong ki Waheh Shnong la ïakren halor ka jingeh ba ïakynduh ki thain khappud khamtam ka thain Huroi, Hingaria kiba don East Jaiñtia Hills District namar ba haduh mynta kim pat ïoh iaka surok kaba paka bad la rai ban iakynduh ïaki Engineer ka PWD bad ki bor sorkar ban pynïoh surok ïa kine ki shnong khappud.

U Publicity Secretary ka synjuk u Ma Ebormi Lyngdoh ula ong ba nalor ka surok la iakren bad pynbha ïaki surok ha kylleng ki shnong ha Jaintia Hills, ki jaka sumar bad ka rukom ai bording bad bill light ha baroh kawei ka rilum Jaiñtia.

Ha kane ka jingïalang la pdiang ruh ïaka jingiehnohkam u General Secretary ka synjuk u ma Kmen Shylla, Waheh Shnong Wahiajer bad haka jaka jong u la thung da u ma Bishar Shylla, u Waheh Shnong jong ka shnong Ialong, West Jaiñtia Hills Disrict.