Rai ka VPP ban iashimbynta ka jingialang ka committee ba thymmai ban iatai iaka Reservation Policy, yn bteng ka jingshah jingit u Ardent

Syllad | The Rising MeghalayaMay 30, 2023

Ka jingshah jingit jong u nongialam ka Voice of the People Party (VPP) u bah Ardent Miller Basaiawmoit kala long kaba jop hadien ba phra sngi ka jingshong shah jingit jong u ban pynbor iaka sorkar ban khmih biang iaka Reservation Policy.

Ka sorkar Jylla kala phah iaka shithi sha nongialam ka VPP ba kala thaw thymmai iaka committee jong baroh ki seng sain pyrthei ban iakren iaka Meghalaya State Reservation Policy 1972 nalor ka Roster System.

Kane ka committee thymmai kan shong jingialang lashai hi ka sngi, kata 31 tarik Jymmang haka por 2:30 ha Secretariat.

https://youtu.be/Hx2TLtdVOq

U MLA ka VPP Bah Brightstarwell Marbniang haba pynbna ia kane ka rai u la ong ba ka jingshahthngan ka jong u bah Ardent kan dang iai bteng haduh ba ka sorkar kan rai ban khmih biang lane review ia ka job reservation policy.

Pule shuh | Rai ka sorkar ban iakren iaka Reservation Policy

U Bah Ardent ruh haba kren sha u paidbah ula ong ba un nym khih naka jaka shah thngan jong u bad ba un ap iaka rai kaba mih naka jingiakren lashai ka sngi 31 tarik Jymmang la ka sorkar ka kloi ne em ban iakren iaka Reservation Policy.

U da kyntu ruh ia ki paidbah ba kin nym pynmih jingkulmar kumba kwah ka sorkar khnang ba kane ka jingiakhih kan nym pulom.