Rai ka WJDSA ban plie iaka iew iadie iathied player

Syllad | The Rising MeghalayaFebruary 26, 2022

Ka West Jaintia District Sports Association (WJDSA) kala shim iaka rai ban plie iaka iew iadie iathied player na ka bynta jong kane ka samoi ialehkai kaba mynta u snem.

U Ma Lammat OO Laloo, Hony General Secretary ula iathuh ba hadien ar snem bala sangeh ban pynlong iaka lympung ialehkai ka WJDSA naka daw ka jingwan lynsher ka khlam COVID-19, ka synjuk kala rai noh ban plie iaka iew iadie iathied player ne ka Inter Club Transfer na ka bynta u snem 2022 shuwa ban sdang iaki lympung ialehkai bapher bapher.

Kino kino ki club kiba kwah ban iashimbynta haka inter club transfer kin hap ban soi ha khmat u Hony. General Secretary bad ka jingsiew ka long T.200 uwei u player. Ka tarik ba khatduh ka long shuwa ka 14 tarik u bnai Lber (March) 2022.