Rai ki Seng Saiñ Hima Sima Shatei Lammihngi ban pyrshah Citizenship Amendment Bill

Syllad | The Rising MeghalayaJanuary 29, 2019

SHILLONG: Da kawei ka sur rai ki Khatwei tylli ki seng sain hima sima jong ka thain Shatei Lammihngi ban pyrshah tyngeh ïa ka Citizenship Amendment Bill (CAB) kaba la mynjur ha Lok sabha.

Ïa kane ka rai la shim ha ka jingïalang jong ka North East Region’s Political Parties Convention on the Citizenship Amendment Bill kaba la long ha Guwahati Assam.

Ha kane ka jingialang la iawan shim ki nongialam Jong ka NPP, AGP, MNF, NPF, NDPP, UDP, PDF, HSPDP, KHNAM, JD (U), NEE bad IPFT.

Ka jingïalang kala rai ban leit pynsngew ia ka jingpyrshah jong ki ia katei ka bill ha khmat u President Ka Ri U Ram Nath Kovind bad U Prime Minister ka Ri U Narendra Modi shen.

Ka jingïalang ka la pynpaw ia ka jingbymsngew iahap bad jingpyrshah jur jong ki IA katei bill kaba ai lad ia ki briew na Pakistan, Bangladesh bad Afghanistan kiba na ki jaid niam lait na ki Muslim ban long Hindu.

“Ka long kaei kaei kaba sngewsih ba ka sorkar kmie ka jied ban bteng ban pynlong aiñ ïa kane ka aiñ hapdeng ka jingpyrshah jur bad ngi ruh kum ka convention ngin bteng ka jingpyrshah”, Ong u President Ka NPP U Conrad Sangma

Kin sa ïakynduh biang ban ïaphylliew jingmut ban rai ia ki lad ki lynti kiba shakhmat, ula bynrap.

U sangma ula iathuh ruh ba ka convention kan sa thaw ia komiti  khnang ba kin lah ban ioh ka jingiatreilang bad kiwei ki parti jong ka ri