Rai pynrem ka iing bishar ia u Dapbiang Lytep ba leh kam runar da ka ding

Syllad | The Rising MeghalayaNovember 15, 2024

Ka iing kashari Sessions Judge, West Jaintia Hills District, Jowai kala rai pynrem ia uwei u runar uba tip kum u Dapbiang Lytep naka shnong Thangthring da kaba set phatok 6 snem.

Ka iing kashari jong u N.A Khan (MHJS), Sessions Judge, West Jaintia Hills District kala lap ba u Dapbiang Lytep u dei uba donkti ha kane ka kam bymman hapoh ka kyndon aiñ 436 jong ka Indian Penal Code (IPC), uba la leh iaka kam runar da kaba pyndonkam da ka ding bad la rai pynrem ia u da kaba set byndi 6 snem.

Haka juh ka por la rai pynrem halor ka kam byrngem byrsit katkum ka kyndon aiñ 506 Part– I IPC da kaba set phatok sa shi (1) snem.

Katkum ka hukum jong ka ïingbishar, baroh ar tylli ki jingpynshitom katkum ka kyndon 436 bad 506 Part– I IPC kin iaid lang haka juh ka por.