Rai set phatok ka iingbishar 20 snem ia u ba lehbeijot ha West Jaintia Hills

Syllad | The Rising MeghalayaFebruary 20, 2023

Ka Court of Special Judge (POCSO) West Jaintia Hills, Jowai kala rai pynrem ia u Treda Sungoh uba la lehbeijot iaka theilud kaba dang 15 snem ka rta da kaba rai set phatok 20 snem bad ka kuna kaba 10 hajar.

Ka hukum kaba la pynmih ka iingbishar haka 13 tarik une u bnai Rymphang haba shongbishar iaka mukotduma kala lap ba u Treda Sungoh u donkti ha kam lehbeijot bad ka kam byrngem byrsit.

Ha kaba iadei bad ka kam lehbeijot ka iingbishar Court of Special Judge (POCSO) kala rai pynrem ia u Treda Sungoh da kaba set byndi 20 snem bad ka kuna T 10,000/- katkum ka kyndon aiñ U/S 6 POCSO Act, 2012. Kawei pat ka jingpynsaja kadei 1 snem halor ka kam byrngem byrsit katkum ka kyndon aiñ U/S 506 IPC. Baroh ar tylli kine ki jingshah pynsaja u Treda un hap ban pyndep haka juh ka por.

Kane ka jingjia shah lehbeijot kane ka theilud kala jia ha ka 22 tarik Nailar 2021 bad 23 tarik Nailar 2021, katkum ka case kaba la register ha Jowai police station.