Rai set phatok ka iingkashari 10 snem kynthih ia u ba leh beijot
Ka iingkashari Session Judge West Jaintia Hills, ha ka 8 tarik Iaiong, ka la rai pynrem da kaba set phatok haduh 10 snem kynthih ha ryngkat ka kuna kaba T.5000 pyrshah ia u runar uba donkti ha kaba leh beijot.
Nalor kata ka iingkashari ka la hukum ruh ban siew bai lutksan T. 3 lak sha kiba haiing kane ka lanot kaba la ngat ha kane ka jingjia.
![](https://www.syllad.com/wp-content/uploads/2024/09/JIT-Vacancy-823x1024.avif)
Kane ka case ka dei kaba naduh 13.12.2008 bad katkum ka ejahar kaba la ujor hakhmat u Officer In-charge ka Jowai Police Station da kiba haiing halor ka jingjia shah leh beijot ha u Riang Najiar.
Hadien la rejistar case hapoh Jowai Police Station katkum ka P.S case No 155(12) 2008 U/s 376 IPC ha kaba la shimti ia ka jingtohkit da u WPSI u Bah O.Tyngkan.
Hadien ba la pynlong ia ka jingtohkit da u IO la charge sheet pyrshah ia une uba la shah kynnoh donkti hapoh ki kyndon U/S 376/511 IPC.
Ha ka jingtian bishar kaba la long ha ka 4 tarik mynta u bnai ka iingkashari ka la la lap ia ka jingdonkti jong une u runar ha katei ka kam bymman bad pynngat ia u hapoh ki kyndon section 376 (2)(f) IPC, bad hadien ka la rai pynrem ia u ha ka 8 tarik da kaba set phatok 10 snem kynthih.
Leave a Reply