Rakhe Children’s Day ki pulit West Jaintia Hills ha Sahsniang

Syllad | The Rising MeghalayaNovember 14, 2020

Haka sien kaba nyngkong eh ka tnad Pulit jong ka West Jaintia Hills District Executive Force (WJHDEF) kala rakhe pyndonburom iaka sngi kyrpang ki khynnah Children’s Day-ka sngi kha jong u Jawaharlal Nehru ha Sahsniang mynta ka sngi.

U SP West Jaintia Hills District Bikram D Marak, u Dy SP MJ Marngar, Dy SP (crime) ka CW Lyngdoh bad kiwei kiwei kila hiar sha ka shnong Sahsniang ban lehkmen Children’s Day bad ki khynnah kiba ri ka NEIMA bad ki khynnah convent ka Sacred Heart SD Convent, Sahsniang.

Ka tnad Pulit kala ai sngewbha da ki tiar sha kine ki khynnah kiba don 22 ngut ha jaka ri khynnah ka NEIMA bad 9 ngut ha Convent.

Ki khynnah kila ai ruh da ki jingrwai bad kala don ka jingot cake bad dihsha sngewbha.

La iathuh iaki khynnah halor kane ka sngi kyrpang kaba baroh ka ri India ka rakhe pyndonburom ban pynsaphriang iaka khubor halor ka jingkongsan ka pule ka puthi bad ka hok ki khynnah.