Rakhe Golden Jubilee ka Namdong B

Syllad | The Rising MeghalayaDecember 11, 2022

Ka Dorbar Shnong Namdong B kala rakhe ia u mawmer ka jingiaid lynti ba 50 snem ne Golden Jubilee ka dorbar shnong haka sngi Saitjain.

Ha kane ka jinglehkmen jubili la iadonlang u Myntri Pynroi Sor u Sniawbhalang Dhar, U CEM JHADC Thombor Shiwat, EM JHADC Enening Trong, Rev. Fr Dominic Kympat nalor ki riew rangbah ka thain.

U Waheh Shnong u DS War ula ïathuh ba ka shnong Namdong-B ka la kynjoh 52 mynta u snem bad namar ka jinglynshop ka khlam COVID-19 ka shnong ka khlem ïoh ban lehkmen bad ka la lehkmen noh ha une snem ïaka jingdap 50 snem jong ka shnong.

U Thombor Shiwat haka jingkren ula kyntu ïaki nongshong shnong bad nongïalam shnong ban long kiba ïatylli para nongshong shnong. U Ma Thombor ula pynher ruh iaka lama jubili ka shnong Namdong B

U Ma Sniawbhalang Dhar ba long kum u kongsan u la iaroh ia ki nongpyniaid shnong naduh kiba mynshwa haduh kiba mynta kiba la shimkhia ban kyntiew iaka roi ka par ka shnong. Ula ong ba ka shnong Namdong B ka dei ka jaka pdeng kaba ka sorkar ruh ka phaikhmat ban buh iaki ophis ban ai iaka jingshakri sha u paidbah.

Ha kane ka sngi la pynkup burom ïaka Kong Silbiana Thubru kaba dei ka nongshong shnong ba nyngkong jong ka Namdong B.

La pynphuh pynphieh ïaka jinglehkmen da ki jingrwai jingshad ba la shim bynta da ki khun ka shnong bad ka jingïalehkai phutbol na ki longkpa ka shnong.