Rakhe iaka International Day of Persons with Disabilities ha Amlarem

Syllad | The Rising MeghalayaDecember 4, 2023

Ka ophis District Social Welfare Officer, West Jaintia Hills District, Jowai ka la rakhe iaka International Day of Person with Disabilities 2023 ha Syiem Jingsuk Secondary School, Lai Lyngdoh Hall, Amlarem Sub-Division haka sngi Nyngkong.

Ka mat pdeng ka long “United in action to rescue and achieve the SDGs for, with and by persons with disabilities”.

U Bah Het Pohthmi, MDC War West, Deputy Chairman JHADC u la long u kongsan haka jingialang kaba la pyniaid da u E. Kyndait, LDA jong ka Office DSWO.

Ka kong R Passah, DSWO ha kren pdiang kala pynshai shaphang ka ne ka sngi ba kane ka sngi kadei ka sngi kaba la leh burom ha baroh shityllup ka pyrthei naka bynta ki briew ki ba don jingduna ha ka dkhot met. Kala ong ruh ba ka sorkar ka don ki scheme ba kyrpang na ka bynta ki ba duna ha ka dkhot met. ka kong Passah kala kyntu ia ki kmie ki kpa ba lada don ki khun kiba don jingduna ha ki dkhot met jong ki, ki dei ban leit sha ki Nodal Hospital khnang ba kin ioh ia Disability Certificate ban leit mih sha ki Office sorkar  ban ioh iaka jingiarap naka sorkar.

Ha kane ka programme la ioh iaka jingkren na ka Kong Aidiam M. Kassar, Psychologist Manager, DRCDA halor ka Scheme & Services for persons with Disabilities, Bah L Khonglah, Advocate Jowai Bar Association halor ka Right of Persons with Disabilities bad na ka Kong P Chyrmang, Office Assistant, ICDS, Kong M Lapasam, Mukhya Sevika, BDO Office.

U kongsan ha ba ai jingkren U la kyntu ia kiba duna ha ka dkhot met ban long kiba shlur bad kiba trei shitom wat la ki don ka jingduna ha ka dkhot met. U la kyntu ruh ia ki longkmie longkpa kiba don ki khun kiba duna ka dkhot met ba kim dei ban lehrain,  hynrei ki dei ban mih shakhmat  ban ialam sha ki Office sorkar ba kin ioh jingiarap na ki Scheme sorkar ki bapher bapher.

La pynkup burom ia ki arngut kiba don jingduna ha ka dkhot met da kaba ai ia ki tiar sahkynmaw sha u Bah Kalvin Suting, Moosakhia Village bad ia U Bah Nicholas Khonglah, Lai Lyngdoh.

Ha kane ka jingrakhe la don ka Medical Checkup (General) bad la pynlong ruh  ka jingialehkai na ka bynta kine kiba duna dkhot met kum ka Musical Chair, Spoon marbel race bad kiwei kiwei, ha kaba la sam ia ki khusnam ia kiba iashim bynta.