Rakhe iaka National Milk Day ha Jowai, kyntu ban kyntiew iaka kam ri masi ban pynbiang dud

Syllad | The Rising MeghalayaNovember 25, 2023

Ka ophis Senior Dairy Officer, West Jaintia Hills, hakaThohdieng kala rakhe iaka “National Milk Day” hapoh ka phyllaw jong ka Jowai Dairy Plant ha Mooralong, Jowai ha ka jingiadon lang ka Additional Deputy Commissioner ka Kong B.Blah, MCS kum ka Kongsan.

Haba kren ha ka jingialang ka ADC, Kong Blah ka la pynpaw halor ka jingdonkam bad ka jingkongsan ban dih ia ka Dud namar ki jingmyntoi ha kaba iadei bad ka koit ka khiah. Ka kyntu ruh ia ki nongri jingri ba kin nangkyntiew ia ka kam ri masi khnang ban lah ban pynbiang shuh shuh ia ka jingdonkam jong ki nongshong shnong.

Na ka liang u Bah UB Dkhar, Dairy Assistant Director, (HQ) Directorate Dairy Development ha ka jingkaren u la ong ba la rakhe ia kane ka sngi shibynta ban ialap bad pynshai paidbah halor ka jingdonkam ban dih ia ka dud na ka bynta ka jingmyntoi ha ka liang ka koit ka khiah.

Katba ka Kong M Shylla, Senior Dairy Officer, West Jaintia Hills ha ka jingkren pdiang ka la pynkynmaw ba la rakhe ia kane ka sngi man la ka snem ha ka 26 tarik u Naiwieng shibynta ban leh burom na ka bynta ka lyngkhuh sngi kha jong u  Dr. Verghese Kurien ia uba la tip kum u kpa jong ka ‘White Revolution.’ 

Ban pynsngewthuh halor ka jingmyntoi na kaba dih dud hapdeng ki khynnah skul, na ka liang ka ophis ka la pynlong ruh da ka jingiakop quiz, essay bad drawing competition ha kaba iadei bad ki jingmyntoi kiba lah ban ioh lyngba ka dud.

Kiwei pat kiba la aijingkren ha kane ka sngi ki kynthup ruh ia ka Kong T Tyngkan, Assistant Commissioner of Food Safety (DO), West Jaintia Hills District, Dr. I. Kjam, DVO, West Jaintia Hills nalor kiwei pat.