Rakhe Independence Day ka shnong Jarain Sutnga da ka jingphet marathon bad football

Syllad | The Rising MeghalayaAugust 16, 2024

Ka shnong Jarain Sutnga kala rakhe iaka sngi laitluid ka Ri – Independence Day da kaba pynlong iaki jingialehkai kynthup iaka jingmareh marathon bad ka football hapdeng ki khynnah, ki samla bad ki rangbah kynthup iaki kynthei bad shynrang.

Ka jingrakhe kala sdang naduh 5 waje mynstep da ka jingphet marathon. Hadien ka jingmareh marathon, la pynher ia ka lama ka Ri da ka kongsan, ka kong Pletimon Paslein haka jingiadonlang u waheh shnong Bah Mesciful Malang bad u secretary shnong u Bah Eveningstar Dkhar.

Ka Kong Paslein kala sneng kala kraw iaki nongshnong bad pynkymaw ruh iaki nongialehkai laitluid ka Ri.

Haba phai sha ka jingialehkai football hapdeng ki longkmie bad ki samla ha kaba la jop da ki longkmie iaki samla ka shnong, ha ki kynthei 17 snem, ha pdeng ka Dongbansati bad ka Tyllilang ha kaba ka Tyllilang kala jop 1-0. Nakaliang ki shynrang haka rta 17 snem ka kynhun u Sambor Malang kala jop iaka Dongbansati ha ka tie breaker da 5-4

Ka khusnam Best Goalkeeper kala leit sha u Shanmi Paslein na ka team Dongbansati. Best Player sha u Sambor Malang bad Top Scorer la ioh da Jefferson Dkhar na ka kynhun u Sambor Malang. Best Discipline u Meker Lamare.

Ia ka kyntien ai khublei la ai da u Bah Mishol Paslein uba pynlong ia kane ka prokram ban wanrah iaka mynsiem sngew ieid ri hapdeng ki nongshong shnong.