Rakhe International Day of Yoga ka NSS Unit Jaintia Eastern College

Syllad | The Rising MeghalayaJune 22, 2023

Ka NSS Unit, Jaintia Eastern College, Khliehriat, kala rakhe International Day of Yoga 2023 haka sngi Balang.

Ha kane ka sngi u Dr. Awadhesh Kumar, i/c MeghaTop Cement Private Ltd, Wahiajer Narpuh, East Jaintia Hills, Meghalaya u la long u kongsan ha kane ka prokram. U la ai jingkren halor ka phang ba iadei bad kane ka sngi khamtam shaphang ka jingsdang jong ka Yoga. U la batai bniah shaphang u Maharishi Patanjali uba la sdang nyngkong ia ka Yoga khatsan spah snem tam mynshuwa. U la ban ba donkam ia ka jingiatreilang ka bor met bad ka bor pyrkhat khnang ban ioh ia ka met kaba shait ba khiah.

Haba kyntu ia ki samla pule, ula ong ba ka donkam ban iatreilang bad ki nonghikai kiba dei ki nongsaindur. u pynkynmaw lada kine artylli ki iatreilang kam don jingeh ia ka ri ban kiew shaphrang. Ki samla pule jong kane ka kolej ki la pyni ia katto katne ki rukom ban hikai shaphang ka Yoga.

Ha kane ka juh ka sngi la pynlong ruh iaka jingpynsngewthuh halor ka jingma ka jingdih drok. Ka kong R. Patlong, Project Manager, Mihmyntdu Community Social Welfare Association, Khliehriat unit kala ai jingbatai halor ka Drug abuse, physical and Mental wellbeing. La iadonlang ka kong Ripaia Passah, District Social Welfare, Khliehriat kum ka symbud kongsan.

La ioh ruh ia ka skit halor ka phang “Ka Luti” na i Sam-i-naki War Passah, Mih-Myntdu Community Social Welfare Association (MCSWA).

Ia ka jingialang la pyniaid da u Dr. P. Nongtdu Principal Jaintia Eastern College, bad ia ki kyntien ai khublei la ai da u Asst Prof. S. Myrchiang P.O. NSS Unit.