Rakhe IYD ka Jaintia Eastern College da ka iakop bhabriew
KHLIEHRIAT: Ka Jaintia Eastern College, Khliehriat ryngkat ka jingiatreilang bad ka Meghalaya AIDS Control Society, Shillong ka la rakhe ia ka International Youth Day (IYD)-2019 ha ka 16 tarik Nailar halor ka mat “Ka jingpynbha iaka pule ka puthi”.
U Dr.S.Shangpung, E.M, i/c Education, Jaintia Hills Autonomous District Council, Jowai, ula la long kum u kongsan. Ha ka jingkren jong u, u la pynkynmaw ia ki samla pule shaphang ka jingdonkam jong ka pule puthi bad ki jinghikai pyntbit ha ki lain bapher bapher bad ban ai pat ia katei ka jingtip sha ki pateng ki ban dang wan.
![](https://www.syllad.com/wp-content/uploads/2024/09/JIT-Vacancy-823x1024.avif)
U la kyntu ia ki samla pule bad ki nonghikai ba kim dei ban kut tang ban ioh jingnang jingstad bad ia ki kyrdan ba kham sha halor hynrei ki dei ban nang ruh ban long ki briew kiba stad bad ba shemphang ha ki jingpule ban wad bniah namar kane kan iarap ia ka ri bad ka jaitbynriew baroh.
La ioh ka jingkren kyrpang halor ka phang “The 4th Death Anniversary of Bharat Ratna Dr. A.P.J. Abdul Kalam and Vision India 2020” da u V.S.Rathore, IPS, Superintendent of Police, East Jaintia Hills District.
La pynlong ruh ia ki program jingshad bad jingrwai tynrai bad ka jingiakop bha briew ha kaba u Phraki Syrti, B.A 5th Semester bad ka Sandakini Rymbai, B.A 3rd Semester ki la rah ia ka nam Mr bad Miss Jaintia Eastern College ryngkat bad ka buskit.
Ha kane ka juh ka sngi la pynkup burom ruh ia ki samla kiba wan sha khmat (Outstanding Youth) jong ka East Jaintia Hills District kiba la ioh ia ka kyrdan jingpule Doctorate of Philosophy (Ph.D), jingialehkai phutbol, niah kali (Motorsports), ka rwai ka siaw (Singing & Music) bad kiwei kiwei de.
Doctorate of Philosophy
Dr. Yoowanka Lyngdoh, Ph.D (NEHU)
Dr. Bamonlang .M. Dkhar, Ph.D (NEHU)
Dr. Samalayanki Nongtdu, Ph.D (NEHU)
Motorsports
Chiborlang Wahlang, (Motorsports)
Dame banshan Dkhar, (Motorsports)
Bhakupar Wahlang, (Motorsports)
Ha-o-manki Dkhar, (Motorsports)
Mr. Da-o hi Swer, (Motorsports)
Football
Halen Nongtdu, (India U-15 National Football Team 2019)
Singing and Music
Elza Catherine Rymbai, (Music)
John Patrick Rymbai, (Music)
Ia kane ka jingleh burom la pyniaid da I Dr.P.Nongtdu, Principal, Jaintia Eastern College, Khliehriat bad I la pdiang sngewbha ia u kongsan bad ia baroh ki nongiashim bynta. I Kong E.Nongtraw, nonghikai jong ka Education Department I la ai jingkren halor ka theme jong ka International Youth Day 2019 – “Transforming Education” bad I Dr.DS Diengdoh, Vice – Principal bad Programme Officer, NSS Unit u la ai ia ki kyntien jingkhublei bad pynwai.
Leave a Reply