Rakhe ka AMDWU ia ka sngi kyrpang ki nongtrei iingbriew ha ka pyrthei

Syllad | The Rising MeghalayaJune 17, 2024

Ka All Meghalaya Domestic Workers Union (AMDWU) Meghalaya Region shibynta ka jingrakhe ia ka sngi kyrpang jong ki nongtrei iingbriew ha ka pyrthei ne “International Domestic Workers Day,” ha ka 16 tarik mynta u bnai ki la pynlong da ka prokram kaba kyrpang ha St. Margaret’s School Auditorium, Laitumkhrah, Shillong ha ryngkat ka jingiatreilang bad ka National Domestic Workers Movement (NDWM)

Ha kane ka sngi la ia don lang ruh ka Kong D Shanong SI ka Laitumkhrah Police Station, Kong Lilly Nongklaw Office Incharge Laitumkhrah Police station, kong Deikynti Kharkongor bad ka Kong Lanosa Sun From na ka helpline 181kum ki nongshah khot sngewbha.

La rakhe ia kane ka prokram mynta u snem ka long halor ka mat “Decent Work for Domestic Workers and their access to Care”, ha kaba la ioh ia ka jingkren kaba bniah na I Sr. Daleena Francis (MSMHC) iba dei ka State Coordinator.

I Sr. Daleena ha ka jingkren i la ong ba ki nongtrei iingbriew ki dei kiba pynioh ia ka jingshakri kaba kongsan tam sha ki million tylli ki longiing ha kylleng ka pyrthei, bad ki long kum ki paia kiba kongsan halor ka jingpyniaid ia ka ioh ka kot.

Nalor kta I la ong ruh ba ka jingshakri ka jong ki kum ki nongtrei iing ka long da ka jingphikit bad ka jingtrei minot. Kumta kum ka bainong ma ki ruh ki dei ban ioh ia ka jingieit bad ka jingburom namar la ju sakhi halor ka jingshah banbein ka jong ki.

Kiwei pat kiba la aijingkren ki kynthup ruh ia I Kong Narisa napoh One Stop Centre, Kong Evangeline Shangpliang bad kiwei kiwei.

Ha kane ka prokram la wan iashim bynta da haduh kumba sawspah sanphew ngut ki dkhot na ka Meghalaya Domestic Workers Movement.