Rakhe ka balang Unitarian iaka lyngkhuh snem ba 134 snem ha rilum Khasi Jaintia

Syllad | The Rising MeghalayaSeptember 18, 2021

Ka Balang Unitarian Jowai haryngkat bad kiwei pat ki balang Unitarian ha rilum Khasi Jaintia, Ri Bhoi bad Karbi Anglong kala rakhe pyndonburom ïaka lyngkhuh snem ba 134th ka balang kaba la sdang naduh u Nailur 18, 1887.

Ka jingrakhe ïala ka lynkhuh snem ka balang Unitarian kala sdang da ki jingïaseng ïing ha baroh shitaiew bad mynta ka sngi haka por 10 baje mynstep kum ka dak ban burom ia u nongseng ka balang ha Jowai U Babu Hajom Kissor Singh Nongbri la buh syntiew ha u mot jong u uba don ha phyllaw ka iing mane ka Balang Unitarian Jowai, kaba la pyndep da u ma Marki Passah bad pynher ruh iaka lama jong ka senglang.

Ka matpdeng jong ka lyngkhuh snem kadei “Ba kin ïohi ka Bor bakhraw, ka Niam ka jingïohlait”.

Hadien kane pynbud sa ka jingïaseng paidbah ba la pynïaid da u Homeland Lamar uba la thang ruh ïaka sharak katba ïaki kyntien kyntu kynpham sha ki riewngeit ka Balang la sam da u Rev. HH. Mohrmen.

Ha ka por janmiet la pynhiar ïaka lama ka Senglang da u Ohiwot Laloo bad ka jingthang ïa ki 6 tylli ki Dongmusa ha phyllaw jong ka ïingmane kum ka dak ban pyni sha ka pyrthei ïaka jingshai mynsiem ba ka Balang kala ïoh pateng na ka jinghikai Niam Unitarian.