Rakhe ka Iahunlang Demthring Village Organization iaka lyngkhuh snem da ka pynkhuid shnong

Syllad | The Rising MeghalayaOctober 17, 2022

Ka Iahunlang Demthring Village Organization kala rakhe iaka lyngkhuh dap shi snem jong ka Village Organization ha shnong Demthring da kaba jingpynkhuid shnong haka sngi Thohdieng ka taiew bala dep.

Hadien bala ka jingpynkhuid shnong ki dkhot bad nongialam ka Iahunlang VO kila sam iaki jaka bret ñiut (dustbin) sha ki 8 tylli ki kyntoi hapoh ka shnong.

Ban lehkmen ia kane ka lyngkhuh snem, ka Iahunlang Demthring Village Organization ka la ioh ban pyndon burom ia kane ka sngi da kaba pynlong ia ka program haka prem miet hapoh iing Hall jong ka Shnong Demthring, hapoh ka jingpyniaid jong ka President bad ka Secretary. President ka VO ka kong S Ryngkhlem kala pdiang sngewbha iaki members ka VO, ki member ka SHGs bad ki members jong ka Shnong baroh.

Ban pynbyrngia la don ka jingrwai jingshad kaba la iashimbynta da k dkhot ka VO bad ka jingshad tynrai da ka Rynglang SHGs.

La ioh jingkren na ka Active Women (AW) Kong L Liam ha kaba ia dei bad ka rukom trei kam jong ka VO bad ka SHG hapoh ka Shnong.

U Waheh Shnong Ma S B Ryngkhlem u la iaroh ia ka jingthmu jong ka VO ha kaba ia dei bad ka jingpynkhuid Shnong ha kane ka sngi bad kum juh u la kyntu u ia ki Members SHG baroh kin long kiba ia dei  jingmut ban trei  kam ban pynbha hapoh ka shnong.

Kiwei kiwei kiba kren ki kynthup ia u ma LC Ryngkhlem, Secretary ka Sport Club Ma IS Ryngkhlem bad la ot ia u cake da u ma SS Suting.  La kren ai khublei da ka kong A Ryngkhlem bad la pynkhalai ruh iaka luckydraw ka VO.