Rakhe ka KVK West Khasi Hills ia ka ‘Rashtriya Poshan Maah’ ha Nongshillong

Syllad | The Rising MeghalayaSeptember 16, 2023

Ka Krishi Vigyan Kendra (KVK), West Khasi Hills ka la rakhe ia “Rashtriya Poshan Maa” ha ka 15 tarik mynta u bnai ha KVK, Nongshillong.

Ha kane ka prokram la wan iashim bynta da ki dkhot jong ki ar tylli ki Farmer Producer Organization (FPO), ‘Ka thup ki nongrep Producer Co-operative Society Limited’ na ka shnong Pariong, ‘U Shang ki Nongrep’ na ka shnong Nongthliew bad ka Roilang Soceity na ka shnong Mawkynbat, Eastern West Khasi Hills District. La don ryngkat ruh samla pule jong ka College of Agriculture, Kyrdemkulai, Ri-Bhoi District, Meghalaya kiba pyndep ia ka Rural Agricultural Work Experience (RAWE).

Ka Kong L. Warjri, Senior Scientist & Head of Krishi Vigyan Kendra ka la ai ia ka jingkren pdiang ha kaba kala pynshai shaphang Flagship programme jong ka Sorkar India ka POSHAN Abhiyaan ba la ai ka theme “Nutrition rich India, Educated India, Empowered India”.

Nalor kata ka la kren halor ka jingdonkam ban bam ki jingbam ba tei ha baroh ki bynta jong ka jingim u briew khnang ban pyllait na ki jingpang ba iadei bad ka jingduna ki vitamin bad jingduna snam. Kala kyntu ia ki nongshim bynta ban bam bha ia ki jhur khlaw bapher bapher kiba lah ban ioh na jaka bad ki thain lajong bad ban pynduna ia ki jait jingbam ba remdor bad ki jait jingbam GMO. Kala ong ruh ba ka pule puthi bad ka jingkyrshan jong ki dkhot hapoh ki longing ka long kaba donkam shibun ban pynpoi sha ka thong jong kane ka campaign.

Ha kane ka sngi la ai jinghikai ha ka technical session lyngba ki presentation ha kaba la ai lad ia ki nongshim bynta ban ia mir jingmut bad ia tai nia ba kham bniah. Ha kaba pynkut la sam ia ki symbai jhur sha ki nongshim bynta bad pynlong ia ka jingleit jngoh ia ka KVK Farm.