Rakhe ka Lady Keane College ïaka taiew ban shngain ka ïaid ha surok

Syllad | The Rising MeghalayaFebruary 10, 2019

SHILLONG: Ki samla pule NSS (National Service Scheme) Unit jong ka Lady Keane College, Shillong kila rakhe ïaka National Road Safety Week ne ka taiew ban rakhe ïaka jingshngain ban ïaid ban ieng ha surok.

Ki samla pule ka Lady Keane kila rah ban jingthoh placard ban pynsaphriang ïaka khubor phikir haba iaid ba ieng haka surok haka sngi Saitjain Khyndai Lad.

Kine ki samla pule ha ka jingïalam khmat u Dr DG Marbaniang, Program Officer NSS Unit, Lady Keane College, kila pynlong ka jingïalehkai skit kiba pyni kum kino ki jingma kiba lah ban wan ha ki surok bah lada u briew um long phikir ne don jingkitkhlieh.

Ki daw ba jia ka aksident kam dei tang na ka jingthumur ki nongñiah, hynrei ba buaid kyiad ha ka por ba niah kali, ka jingbym deng ïa u seat belt bad ka jingbymshngain ka surok ban ïaid ban ieng ha kiba bun ki bynta. 

La kyntu ïaki nongniah kali ruh ki dei ban long iai shah haba niah bad dei ban peit ïaka jingshngain jong ki paidbah nongleit nongwan.

Ha kane ka sngi ki nongniah kali bad paidbah ki la ia shim bynta ha ka signature campaign kum ka kular ban don ïaka mynsiem kitkhlieh halade.