Rakhe ka MSOA iaka International Olympic Day haka rukom kaba khampher

Syllad | The Rising MeghalayaJune 23, 2021

Kum shi bynta ka jingiasnoh kti lang bad ka pyrthei shi tyllup, ka Meghalaya State Olympic Association (MSOA), haka sngi Balang kala rakhe iaka International Olympic Day, kaba kham pher ban ia ka ba juh long man la u snem.

Ka daw jong ka jingpher jong kane ka jingrakhe ka la wan hadien, ba ka Jylla ryngkat ba ka ri India shi tyllup ka la mad ia ka jingeh hadien ka jingan ban lyngshop biang ha ka sien kaba ar ka khlam jingpang coronavirus.

Hynrei khnang ba ka sharak jong ka Olympic kan iai rhem ha ka mynsiem bad ka dohnud jong uwei pa uwei u khun bynriew, wat hapdeng ka jingshah khanglad khang lynti, ka MSOA, ka la wan shakhmat ba kan rakhe ia kane ka sngi ha kawei pat ka dur.

Ka jingrakhe jong ka sngi, la sdang shwa da ka jingiaid ban sam ia ki song jingbam, ia ka kynhun kaba juh kham ia klet ne buh jingkynmaw bha, hynrei kiba shah ia ka sngi, ka lyer, ia u slap u phria ne ban ieng  meit bad sngi, kine kidei ki kynhun pulit ba peit ia ka iaid ka ieng jong ki kali, ne ki traffic police, ka jingsam ia kine ki song bam ka long ha man la ki thanat ba don ha ka nongbah.

Hadien kane, ki nonngialam ka MSOA, ki la leit pat sha Civil Hospital Shillong bad hangne ka kynhun ka la ioh ba kan noh synniang da ki tiar kum ka Oximeter, PPE kit and N95 masks ia kaba la aiti ha u Jt. Director  Healty Services u Dr Andreas Dkhar.