Rakhe ka PWDS bad ka Social Welfare iaka sngi ki briew ba kyrpang ha Mukhla

Syllad | The Rising MeghalayaDecember 6, 2021

Kum shibynta ban iasnohktilang ryngkat satlak ka pyrthei, ka People’s Welfare and Development Society (PWDS) ha ryngkat ka jingiatrei lang bad ka ophis jong ka District Social Welfare, West Jaintia Hills Jowai kila rakhe iaka International Day of Persons With Disability 2021 kaba rakhe manla 3 tarik Nohprah (December) ha  shnong Mukhla.

Ka phang pdeng jong kane ka jingrakhe ia kane sngi ba kyrpang jong ki briew ba don jingduna ha ki dkhot met mynta u snem ka long, “Leadership and participation of Person with Disability towards an inclusive, Accessible and Sustainable post Covid-19 “.

Palat 100 ngut ki briew ba duna ha ki dkhot met ki ba wan iashimbynta ha kane ka sngi bad la pynlong iaka jingialehkai pynbyrngia ba kynthup iaka jingpynbthei balloon, ka iaknieh shuki bad kiwei kiwei ki jingialehkai.

La pynlong iaka jingsumar ei ne ka Health Check Up kaba la ai jingsumar da ki doktor bad nongtrei ka Ummulong Community Health Centre.

Ka kong J Synnah, District Social Welfare Officer haba kren haka jingialang kala batai shai ia ka jingmut jong ka jingrakhe iaka sngfi kyrpang kiba don jingduna kala batai iaki lad jingiarap (schemes) ba lah ban ioh naka tnad social welfare

La ioh ruh iaka jingkren don jingduna ha ki dkhot met, kong Durka Sari na Mukhla Nongrim, ka ba la ai khublei bad sngewnguh ia ki nongpyniaid ba pynlong ia kane ka program bad kumjuh kala iathuh ruh ia ki jingeh ba kala ia kynduh ha ka jingiaid lynti jong ka.

Naka District Legal Service Authority West Jaintia Hills la wan iashimbynta da u Advocate Ma LS Ymbon u ba la batai shaphang ki aiñ ki ban iada ia ki briew ba don jingduna ha ki dkhot met. Naka District Rehabilitation Centre, Ialong Civil Hospital la ai jingkren da u Dr PM Pyrtuh u ba dei ruh u Nodal Officer DRC uba la batai shai shaphang ka jingdonkam ia ki UDID bad Certificate khang ban lah ban ioh ia ki jingmyntoi ki ba bun.

La sam iaki khusnam sha ki nongjop haka jingialehkai bapher bapher.

U Ma Hachwa Suna, general secretary Mukhla Raid Pyllun ula pyniaid iaka jingialang bad la ioh ruh ka jingkren na Kong N Sutnga (U.D.A DSWO) ka jingai khublei nu bah Mutshwa Thabah, President ka People Welfare And Development Society.