Rakhe kynmaw burom ka BSF ia ki shipai kiba la aiti la ka jingim 

Syllad | The Rising MeghalayaSeptember 29, 2023

Ka Tnat shipai Border Secuity Force (BSF) Meghalaya ha ka 28 tarik mynta u bnai ka la rakhe ia ka ‘Amrit KalashYatra’ kaba hap hapoh ka jingialap ‘Meri Mati MeraDesh’ ha ki shnong kiba don ha ki thain khappud jong ka ri ha Meghalaya.

Ka ‘Amrit KalashYatra’ ka dei ka jingleh burom na ka bynta ki shipai kiba la aiti iala ka jong ka jingim kumjuh ki nongshong shnong ha ka jingialeh laitluid bad ka jingshong shngain jong ka ri India. 

Ia kane ka jingrakhe la plie da ka sorkar India ha ka 1 tarik Nailur 2023, shibynta ban rakhe burom ia ka lyngkhuh snem jinglaitluid kaba 75 jong ka ri India, bad kane ka jingialap ka dei ruh kaba la pynioh ia ka mynsiem ka jingieit ri bad ka jingsarong ia ka ri hi baroh kawei.

Shibynta jong kane ka jingrakhe la shim ruh ia ka khyndew na ki shnong kiba don ha ka thain khappud, kata na ka shnong Lyngkhat, Pyrdwah, Umsyiem, Dawki, Kongwang bad kiwei pat kiba hap hapoh East Khasi Hills bad West Jaintia Hills district.

Ha kane ka jingrakhe la wan iashim bynta ruh da ki nongshong shnong jong ka thain ha ryngkat ka jingpynpaw ia ka mynsiem ieit ri.